Mësohen më shumë detaje nga largimi i Tefik Osmanit

Korçari i Tiranës, ish-Drejtori Teknik, Tefik Osmani nëpërmjet një njoftimi ka bërë me dije se është larguar nga Tirana. Shkaku bëhet me dije edhe nga vetë klubi ku mjaftohet me një fjali: thjesht një çështje personale.

Por duket se gjërat janë më të thella dhe kjo lidhet me largimin e trajnerit Orges Shehi, por jo vetëm kaq, pasi Osmani nga sa mësohet nuk i kishte marrëdhëniet e mira me stafin e ri të Tiranës.

Osmani shpeshherë është gjendur në mes futbollistëve dhe drejtuesve për çdo problem që ata kanë pasur gjatë kësaj periudhe. Duket se tërësia e këtyre problemeve ka bërë që Osmani të largohet nga Tirana edhe me një falenderim dhe kjo është shenjë e një respekti për punën dhe marrëdhëniet e përbashkëta që kanë pasur.

Osmani akoma publikisht nuk ka dhënë më shumë detaje, por sipas asaj që kemi mësuar ai do të japë një pronocim në ditët në vazhdim.