Orlando Koja garanton: Për 10 vjet titulli nuk lëviz nga Korça!

Aug 17, 2024
1 min read

https://sq.korcaboom.com/wp-content/uploads/2024/08/430101536_18307721809177173_6394811063795361096_n.jpg

Pak ditë më parë portali ynë zbuloi listën prej 14 lojtaresh që do të jenë pjesë e Skënderbeut në volejboll për femra për sezonin e ri. Në fakt ka qenë një listë me shumë afrime, por edhe largime, ndërkohë që Skënderbeu tashmë është 100% dhe po vijon i qetë fazën përgatitore.

Është trajneri i Skënderbeut, Orlando Koja që ka zbuluar listën me emrat zyrtare dhe sigurisht të vjen mirë që vetë njëshi i stolit është më shumë se optimist për sezonin e ri dhe nuk e diskuton titullin kampion.

Madje ditën e djeshme pasi ka zyrtarizuar listën me emrat e lojtafeve, Orlando Koja, ka thënë vetëm një fjali: “Për 10 vjet titulli nuk lëviz nga Korça.”

Absolutisht një deklaratë e fortë e Kojës, që tregon forcën e vërtetë të këtij Skënderbeu edhe për sezonin e ri, por edhe për vite e vite të tjera.

Kjo tregon se Skënderbeu ka ndërmend që ta kthejë në hegjemoni titullin kampion dhe ta bëjë pronë të vetën.

Tashmë mbeti që ta shikojmë këtë Skënderbe në parket, pasi vajzat që janë pjesë e këtij ekipi garantojnë sukses të padiskutueshëm.

Nuk ka dyshim që edhe sezonin e ri pallati i sportit “Tamara Nikolla” do të jetë plot e përplot me një Skënderbe pretendent absolut për titullin kampion dhe të gjitha trofetë që do t’i dalin përpara.

14 lojtaret zyrtare të Skënderbeut në edicionin e ri 2024-2025!

Fabiana Pesce- pasuese

Daryna Stanovova- pasuese

Caroline Moreira- anësore

Nensi Miliku- anësore

Elisabeth Sandoëall- anësore

Irsa Metanj- anësore

Sarà Malaj- qendër

Adela Prrenjasi- qendër

Irina Rakip- qendër

Elena Bego- diagonaliste

Kejda Kodra- diagonaliste