Skënderbeu sot me “sy e veshë” te 3 ndeshjet e mbetura/ Ja përballjet e sotme!

Superiorja ditën e sotme do të luajë 3 ndeshjet e tjera të javës së 30-të të kampionatit. Takime mjaft interesante dhe të luftuara janë në program për t’u zhvilluar në 2 orare të ndryshme.

Gjithçka do të ngre siparin e ditës së sotme me duelin mes Bylis dhe Laçit, takim që do të startojë në orën 15:30 dhe do të zhvillohet në “Adush Muça”. Një duel direkt për mbijetesë mes 2 skuadrave që synojnë vetëm fitoren për t’iu larguar sa më shumë zonës së ftohtë.

Ndërkohë në orën 18:00 do të luhet paralelisht në Elbasan dhe Tiranë. Në “Elbasan Arena” do të sfidohen mes tyre Elbasani dhe Dinami. Një tjetër duel mjaft delikat, me vendasit që synojnë të blindojnë vendin e tyre në klasifikim, ndërsa dinamovitët për të ngushtatuar akoma më shumë diferencën me Egnatian e vendit të parë.

Gjithashtu në Tiranë do të përplasin “brirët” mes tyre Partizani dhe Teuta. Të kuqtë do të tentojnë të vazhdojnë me serinë  e fitoreve në kampionat, ndërsa durrsakët të gjendur në vendin e fundit të vetmen zgjidhje kanë 3 pikët.

JAVA 30 / KALENDARI

E shtunë, 15.03.2025

Vllaznia – Skënderbeu 1-2

Egnatia – Tirana 1-1

E diel, 16.03.2025

Bylis – Laçi ora 15:00

Partizani – Teuta ora 18:00

Elbasani – Dinamo ora 18:00

 “KORÇA BOOM”