Zjarr në zonën e Maliqit/ Ja çfarë po ndodh!

Në pyjet e fshatit Kakaç në bashkinë e Maliqit ka rënë një zjarr i madh.

Burime pranë shërbimit zjarrfikës bëjnë me dije ka përfshirë një sipërfaqe të madhe me bimësi të ulët mbi fshatin Leminot.

Flakët po përhapen me shpejtësi edhe për shkak të favorizimit nga era e fortë që në disa vende të caktuara ka përfshirë dhe bimësi të lartë pyjor.

Për të izoluar flakët janë duke punuar punojës të shërbimit zjarrfikes të bashkisë së Maliqit, punojës të shërbimit pyjor dhe emergjencave civile e banorë të zonës.

Terreni i thyer e bën të vështirë ndërhyrjen e mjeteve zjarrfikëse të cilët po bëjnë gjithçka për të shkuar deri në afërsi të vatrave të zjarrit. Nga ana tjetër po punohet për të mësuar shkakun e zjarrit pasi nuk përjashtohet mundësia të ketë qenë zjarr i qëllimshëm.