Ekspozita vetjake "Vizatime nga Vendi i Jetës" nga "Piktori i Merituar" Anastas Kostandini, sjell Pogradecin ndër vite

Ekspozita vetjake "Vizatime nga Vendi i Jetës" nga "Piktori i Merituar" Anastas Kostandini, sjell Pogradecin ndër vite.

"Ekspozita me vizatime e piktorit Anastas Kostandini është dëshmi e procesit të evolucionit të qytetit, e proceseve psikologjike të vetë artistit dhe perceptimit të tij ndaj natyrës dhe njerëzve.

Është një hartë shpirtërore historike e qytetit, është një hartë antropologjike e qytetarëve të tij, është një dëshmi e talentit të Anastas Kostandinit si një vizatues rigoroz, i saktë, i përfshirë emocionalisht në gjithçka që e rrethon. Ai është rikrijuesi i kësaj bote të shpalosur përmes vizatimit që ofron për dashamirësit e artit të tij." Dr. Luan Topçiu.

Taso numëron në arkivën e tij mbi 8 mijë vizatime të ndryshme dhe kjo është ekspozita e tretë që ai çel në Pogradec e këtij formati.

Taso thotë se së shpejti do të sjellë edhe një ekspozitë me figurat publike të ekranit që ai ka realizuar. Kurator i ekspozitës është një tjetër artist pogradecar, Henri Shkurti.