5 javë kampionat/ Nota 10 për Skënderbeun, nota 10 për “Ujqërit”!

Janë mbyllur 5-së ndeshjet e para të kategorisë së parë, ndërkohë që në krye menjëherë komandën e ka marë Skënderbeu që kryeson me 13 pikë, pra 4 fitore dhe vetëm 1 barazim. Duke shtuar se vendi i dytë është 4 pikë më poshtë, mund të themi se starti është për notën 10-të për Skënderbeun.

Ndërkohëqë skuadra duket se është ndërtuar për tu ngjitur menjëherë në ligën superiore, sot po sjellim foton e mëposhtme, për të thënë se ka edhe një tjetër notë 10-të deri tani në 5-së javë dhe ajo shkon për tifozët.

Në mes të shiut këtë herë në tribunën E në atë fitore ndaj kurbinasve 1-0, pamë një grup tifozësh që ishin vendosur në një vend që nuk i kishim parë më parë, por më shumë se kaq, nuk u ndalën së mbështeur skuadrën e tyre të zemrës edhe pse reshjet e shiut nuk u ndalën në asnjë moment.

Mbështetje maksimale ky grup tifozësh i dha skuadrës edhe në ndeshjen e javës së kaluar në transfertën me Pogradecin dhe duket se këta ultras janë risia e këtij kampionati.

Vërtet Bravo dhe meritoni komplimentat më të mëdha, djema!

Skënderbeu tani ka edhe tifozët dhe së bashku shpresohet që skuadra të sigurojë një orë e më parë ngjitjen në superligë.

Vërtet këta “Ujqër” janë shembulli më i mirë i kategorisë së parë!

“KORÇA BOOM”