Bledi Shkëmbi mbetet I PAMPOSHTUR, Vardari nuk e mund as me arbitra

Dueli mes Vardarit e Strugës ishte epiqendra e fundjavës në kampionatin maqedonas, pasi të dyja këto ekipe po rivalizojnë me Shkëndijën per titull.

Përfundoi 2-2, në një ndeshje mjaft të luftuar në Shkup, ku nuk munguan polemikat. Struga shënoi e para me Shabanin, Vardari mori një penallti shumë të dyshimtë të cilën e priti portieri italian Angeletti, para se i njëjti lojtar, Mato, te barazonte pas 1 ore lojë.

Compaore riktheu në avantazh Strugën në minutën 63', por Vardari barazoi në minutën 92', pak pasi Struga shpërdoroi golin e sigurisë.

Të hënën (sot) luhet Pelister-Shkëndija, me Strugën e Shkëmbit që mbetet e vetme në krye, por do të arrihet në renditje nga Shkëndija nëse kjo fiton.

Nuk ka rëndësi, Struga apo Shkëndija për ne, rëndësi ka që titulli të mbetet i shqiptarëve.

“KORÇA BOOM”