Dëmtimet nuk ndalen: Katër mbrojtës jashtë loje te Skënderbeu

Shtohen radhët e futbollistëve të dëmtuar te Skënderbeu. Sikur të mos mjaftonin mungesat e Luka Vaskues dhe Shaqe, ndeshja miqësore e zhvilluar kundër Strugës ka sjellë edhe dy dëmtime të tjera për ekipin korçar.

Bëhet fjalë për Gift, i cili luante në qendër të mbrojtjes dhe është goditur në pulpë nga një kundërshtar, duke u detyruar të largohet nga fusha para kohe. Ndërkohë, edhe Estrela ka ndier shqetësime pas një goditjeje të topit të gjatë, duke pësuar një tërheqje muskulore.

Duke qenë se ndeshjet janë të programuara në mesjavë për Kupë dhe kampionat, ka pak gjasa që Vaskues dhe Shaqe të rikuperohen plotësisht. Edhe pse janë parë në nxemje, deri tani nuk kanë qenë të gatshëm për t’u aktivizuar.

Gjendja aktuale e skuadrës paraqet jo pak shqetësime për stafin teknik, i cili duhet të menaxhojë mungesat në repartin e mbrojtjes dhe të kërkojë zgjidhje alternative në prag të ndeshjeve zyrtare.

“KORÇA BOOM”