Ekskluzive / Marko Ramos aktivizon menaxherin dhe avokatin – ja arsyeja

Duket se Marko Ramos nuk do të jetë më pjesë e ekipit të Skënderbeut. Pas një deklarate të dhënë për “Korça Boom”, futbollisti konfirmoi se nuk ka ndërmend të rikthehet në ekipin korçar, të paktën për momentin.

Në reagim të kësaj deklarate, drejtuesit e Skënderbeut kanë bërë të ditur se Ramos është ende nën kontratë me klubin edhe për një vit tjetër dhe se kjo kontratë duhet respektuar deri në fund.

Në deklaratën e tij, Ramos shprehet: “Nuk mund të them më shumë, por njerëzit e Skënderbeut e dinë mirë arsyen pse nuk do të kthehem në Shqipëri. Aktualisht jam me pushime me familjen time dhe duhet të zgjidh disa çështje personale. Këtë pjesë të rikthimit ia kam lënë menaxherit dhe avokatit tim, të cilët po merren me këtë situatë.”

Megjithëse deklarata është e gjatë, Ramos nuk jep detaje të plota mbi arsyet e mungesës së tij, por lë të hapur mundësinë e një vendimi të ri që mund ta rikthejë atë në skuadër. Gjithçka mbetet e hapur në këtë drejtim.

Nga ana tjetër, drejtuesit e Skënderbeut janë të prerë se kontrata duhet të respektohet dhe se futbollisti nuk mund të largohet pa një marrëveshje të qartë apo me parametra zero.

“KORÇA BOOM”

“Korça Boom”