Lëvizja e parë e madhe: Skënderbeu në volejboll për femra sjell përforcim nga Brazili

Skënderbeu në volejboll për femra ka bërë goditjen e parë në merkaton e verës, duke sinjalizuar një sezon ambicioz dhe plot pritshmëri. Burime të sigurta për "Korça Boom" bëjnë me dije se këto ditë pritet të mbërrijë në Korçë një volejbolliste me përvojë nga Brazili, një vend me traditë të jashtëzakonshme në këtë sport.

Klubi është duke përfunduar procedurat për sigurimin e dokumentacionit të nevojshëm dhe gjithçka po ecën në mënyrë pozitive. Ajo që vihet re qartë është se Skënderbeu po ndërton një projekt serioz dhe të qëndrueshëm, me objektiva të qarta për të qenë pretendent për titullin kampion.

Një rol të rëndësishëm në këtë projekt do të luajë edhe mbështetja financiare e Bashkisë Korçë, e cila këtë sezon ka premtuar një kontribut të konsiderueshëm për skuadrën, duke krijuar kushte më të mira për përgatitje dhe përforcime cilësore.

Me përforcime të huaja dhe mbështetje lokale, Skënderbeu po përgatitet të jetë jo thjesht pjesë e kampionatit, por një skuadër konkurruese dhe e denjë për trofe.

“KORÇA BOOM”