Miqësorja që ndryshoi gjithçka: Aarflot firmos me Skënderbeun

Tashmë mund të thuhet zyrtarisht se skuadra e Skënderbeut ka finalizuar afrimin e radhës në këtë merkato dimërore. Bëhet fjalë për futbollistin norvegjez Elias Aarflot, i cili do të jetë pjesë e ekipit korçar.

Aarflot prej disa ditësh ishte duke u stërvitur me Skënderbeun dhe pritej vendimi përfundimtar nga stafi teknik. Duket se gjithçka u vendos pas ndeshjes miqësore ndaj ekipit të Devollit, ku korçarët fituan falë dy golave të shënuar pikërisht nga sulmuesi norvegjez.

Paraqitja bindëse e Aarflot dhe efikasiteti para portës kanë bindur stafin teknik, duke e bërë atë një alternativë më shumë në repartin ofensiv të Skënderbeut për vazhdimësinë e sezonit.

"KORCA BOOM"