Ndeshja e Devollit ndaj Partizanit B, e planifikuar fillimisht për t’u zhvilluar të dielën, nuk do të luhet...?

Sipas burimeve pranë klubeve, është vendosur që sfida të spostohet për një ditë më vonë, konkretisht të hënën, në orën 13:00. Arsyeja lidhet me faktin se stadiumi "Arena e Demave", ku do të zhvillohet kjo përballje, është i zënë të dielën për shkak të angazhimit të ekipit të parë të Partizanit, i cili ka ndeshjen e vet kampionale në po të njëjtën fushë.

Për të shmangur mbivendosjen e dy ndeshjeve dhe për të garantuar kushtet organizative dhe logjistike të nevojshme, është marrë vendimi që takimi mes Partizanit B dhe Devollit të luhet të hënën në mesditë.

Ky ndryshim është bërë me mirëkuptimin e të dy klubeve dhe është reflektuar edhe në kalendarin përkatës të garës.

Devolli do të udhëtojë drejt Tiranës për të kërkuar rezultat pozitiv ndaj një ekipi të ri dhe energjik si Partizani B, ndërkohë që kjo shtyrje me një ditë mund të shërbejë edhe për përgatitje shtesë të të dyja skuadrave.

Ndeshja pritet të jetë mjaft interesante për shkak të nevojës së të dy ekipeve për pikë dhe pozicionimit në renditje.

“KORÇA BOOM”