Pogradeci bën detyrën, trajneri Çela debuton me fitore tenistike ndaj Devlinës

Pogradeci ka bërë detyrën në ndeshjen e Kupës së Shqipërisë, duke fituar me rezultatin e thellë 4-0 ndaj ekipit të Devlinës. Sfida shënoi edhe debutimin me fitore të trajnerit të ri, Çela, i cili e nis kështu aventurën e tij me një paraqitje bindëse të skuadrës.

Golat për Pogradecin erdhën shpejt dhe vendosën ritmin e ndeshjes që në minutat e para. Ishte Kazem ai që zhbllokoi rezultatin në minutën e 2-të, duke i dhënë epërsinë vendasve. Më pas, Krasniqi dyfishoi shifrat në minutën e 18-të.

Në pjesën e dytë, Pogradeci vazhdoi dominimin. Samake shënoi golin e tretë në minutën e 66-të, ndërsa kapiteni Zguro vulosi fitoren me golin përmbyllës në minutën e 77-të.

Një fitore e thellë që jo vetëm e çon Pogradecin më tej në Kupë, por edhe rrit besimin në prag të sfidave të ardhshme nën drejtimin e trajnerit të ri.

“KORÇA BOOM”