RENDITJA E SUPERIORES/ Vetëm Egnatia me pikë të plota! Skënderbeu në vendin e fundit

Dueli mes Dinamos dhe Elbasanit uli siparin e javës së tretë në Kategorinë Superiore ku u shënuan në total plot 19 gola. Spikasin fitoret në transfertë të Partizanit dhe Teutës, ndërkohë që Tirana, Egnatia dhe Dinamo, arritën të arkivonin 3 pikë si skuadra pritëse.

Për sa i përket renditjes, pas 3 javëve të luajtura, vetëm kampionët në fuqi të Egnatias kanë arritur të sigurojnë pikë të plota, teksa bie në sy nisja e dobët e dy pretendentëve si Elbasani dhe Vllaznia, që pas 3 javësh ndodhen në zonën e ftohtë të mbijetesës.

Kujtojmë që të dyja skuadrat sezonin e shkuar luftuar deri në fund për titullin kampion, ndërkohë që ky edicion ka nisur në mënyrën më të keqe të mundshme. Tabela mbyllet nga Skënderbeu me 1 pikë, ndërkohë që vendi i dytë mbahet nga Teuta e Edlir Tetovës me 7 pikë.

Java 3

TË PREMTE

Egnatia – Skënderbeu 2-1

DJE

KF Laçi – Teuta 1-3

Vllaznia – Partizani 2-3

SOT

Tirana – FK Vora 4-0

Dinamo City – AF Elbasani 2-1

“KORÇA BOOM”