Shaqe në dispozicion të Gjokës, Vasquez mungon për shkak dëmtimi

Vijnë lajme të mira nga repartit i mbrojtjes për Skënderbeun, teksa Klevis Shaqe është rikuperuar plotësisht nga dëmtimi dhe do të jetë në dispozicion të skuadrës për ndeshjen e fundjavës.

Mbrojtësi është stërvitur normalisht me grupin gjatë kësaj jave dhe gjithçka tregon se ai është gati për të luajtur, nëse trajneri Migen Gjoka vendos ta aktivizojë si alternativë në vijën e prapme.

Shaqe madje ka marrë minuta edhe në ndeshjen e Kupës së Shqipërisë, ku është aktivizuar gjatë pjesës së dytë të takimit, çka konfirmon se rikuperimi i tij është drejt përfundimit.

Nga ana tjetër, nuk ka të njëjtat lajme pozitive për Luka Vasquez, i cili ka pësuar një tërheqje muskulore dhe nuk ka mundur të riaftësohet në kohë. Ai pritet të qëndrojë jashtë fushave edhe për këtë fundjavë.

Skënderbeu përgatitet për sfidën e rradhës në kampionat, ku pritet të kërkojë fitoren dhe të ruajë formën pozitive, ndërsa trajneri Gjoka do të ketë një alternativë më shumë në mbrojtje me rikthimin e Shaqes.

“KORÇA BOOM”