SKËNDERBEU/ Sot dita e ndeshjes. Skënderbeu përballë Inter Escaldes ora 16:00. Gjyqtar nga Belgjika në Korçë

Erdhi dita e ndeshjes së kthimit të UEFA YOUTH LEAGUE, teksa Skënderbeu U-19 do të presë në Korçë sot kampionen e Andorrës, Inter Escaldes për U-19.

Ju kujtojmë që ndeshja e parë u fitua thellë nga Skënderbeu 10-0 në Andorrë dhe sot duket se do të jetë një përballje sa për statistikë, pasi Skënderbeu nuk e diskuton kualifikimin.

Takimi i sotëm do të startojë në orën 16:00 dhe do të gjykohet nga Bordeaud’hui. S, gjyqtar që vjen nga Belgjika.

Sigurisht që te Skënderbeu e kanë vlerësuar maksimalisht edhe ndeshjen e kthimit, ndërkohë që pas kualifikimit të sotëm kujtojmë që Skënderbeune  rpet Aston Villa skuadra e madhe angleze që ndeshjen e parë do të luajë në stadiumin “Skënderbeu”.

Gjithsesi të shohim dhe të presim përballjen e sotme. Skënderbeu më shumë se kurrë është pranë një momenti historik dhe këta djem edhe sot kanë nevojë për mbështetjen e të gjithëve.

Forca “Ujqër”! Sot është dita juaj…

“KORÇA BOOM”