top of page

Trajneri i Shqipërisë: Sot është ndeshja më e rëndësishme. Besoj te skuadra dhe te forca jonë!

  • Writer: Korca Boom
    Korca Boom
  • Oct 10
  • 2 min read

A është kjo ndeshja më e rëndësishme për ju?Të gjitha ndeshjet janë të rëndësishme. Por sot, po, absolutisht që është. Një muaj më parë ishte ajo ndaj Letonisë – nëse nuk do të fitonim atëherë, kjo e sotmja nuk do të kishte kuptim. Nëse fitojmë sot, atëherë ajo me Andorrën do të jetë më e rëndësishmja. Kjo është një ndeshje emblematike dhe e bukur. Besoj se do të jetë një sfidë e këndshme.


A keni punuar me fazën sulmuese?Siç e thashë, është një ndeshje e veçantë. Kemi pasur stërvitje të vazhdueshme në Tiranë. Kemi analizuar video, kemi dalë në fushë dhe kemi korrigjuar detaje. Dje zhvilluam një seancë stërvitore në nivel shumë të lartë. Të gjithë lojtarët janë të gatshëm dhe iu përgjigjën pozitivisht. Nesër do të vendosim se cilët do të zbresin në fushë. Nuk jam i shqetësuar për mungesën e golit – goli është pika e fundit në futboll. Sigurisht që gjithçka ndërtohet për të shkuar te goli, por kam besim te të gjithë lojtarët e mi dhe jam i bindur se do të realizojnë atë që kemi përgatitur.


Trajneri i kundërshtarit e di si rreshtohemi?Edhe ne e dimë se si rreshtohen ata. Luajnë me tre mbrojtës në qendër, dy mesfushorë, një në krah dhe dy sulmues. Nuk është se kam shumë dyshime, por kemi edhe një stërvitje sot, ndërsa nesër në mëngjes ekipi do të jetë gati. Surpriza? Nuk mund ta them – ata gjithsesi dinë shumë (qesh).


Cilat janë shanset për fitore?Futbolli është i paparashikueshëm – e kam thënë gjithmonë. Për këtë arsye, nuk mund të vendosësh baste. Jam trajner, kam qenë lojtar për 15–16 vite, dhe me modesti e them: kam luajtur në nivelet më të larta. Kam marrë pjesë në një Kupë Bote si asistent dhe në një Europian me Shqipërinë. Nuk kam parë kurrë një ndeshje që fitohet pa e nisur.Kundërshtari është i fortë dhe ka vlera individuale në kampionate të rëndësishme, por edhe ne jemi rritur shumë që prej Europianit. Kemi fituar eksperiencë dhe luajmë në shtëpi. Në 90 minuta mund të ndodhë gjithçka – këtë e dimë edhe ne, edhe ata.Për mua nuk ka përqindje – ka vetëm një mënyrë për të fituar: të dalësh në fushë me intensitet, me zemër dhe shpirt. Pastaj, do të shohim. Kam besim të plotë te skuadra jonë.

“KORÇA BOOM”


ree

bottom of page