VOLEJ FEMRA/ Skënderbeu sot kërkon rikthimin te fitorja, pret Partizanin

Pas dy humbjeve radhazi në kampionat Skënderbeut sot luan në shtëpi ndeshjen e radhës, një përballje që në fakt duket e rëndësishme për ecurinë e vajzave bardhekuqe.

Skënderbeu-Partizani është ndeshja e sotme në pallatin e sportit “Tamara Nikolla”, takim që do të startojë në orën 18:00. Skënderbeu vjen pas dy humbjeve me Pogradecin 2-3 në Korçë dhe një javë më parë humbja 3-0 në kryeqytet ndaj Tiranës ka bërë që Skënderbeu të zbresë në tabelën e renditjes.

Skënderbeu dhe Partizani ndajnë vendin e 4-t dhe të 5-të në renditje me nga 4 pikë secila, prandaj është një ndeshje e rëndësishme, në mënyrë që Skënderbeu ta parakalojë në renditje skuadrën e kuqe.

Objektivi i Skëndereut nga ajo që kemi parë deri tani është katërshja e parë dhe ky objektiv duket se arrihet vetëm nëse mposhtim Partizanin, prandaj vajzat bardhekuqe sot janë gati të rikthehen te fitorja dhe të mposhtin një skuadër rivale për objektivat që ka në këtë sezon.

Me pak fjalë sot në orën 18:00 rikthehet volejbolli i femrave në qytetin juglindor. Skënderbeu-Partizani është nga ato ndeshje që nuk duhet humbur.

“KORÇA BOOM”