Vora triumfon në një spektakël të vërtetë, Maliqi reziston me dinjitet

Në një ndeshje të mbushur me emocione dhe gola, Vora ka mundur Maliqin me rezultatin 6-2, duke siguruar kalimin në fazën tjetër të Kupës së Shqipërisë.

Maliqi ishte i pari që kaloi në avantazh, falë golit të Kames në minutën e 15-të. Një fillim premtues për skuadrën mike, që dukej e motivuar për të bërë surprizën.

Por në fundin e pjesës së parë, vendasit reaguan fort. Adelaye barazoi rezultatin në minutën e 41-të dhe vetëm pak më vonë, në minutën e 44-t, Tabaku përmbysi gjithçka, duke i çuar skuadrat në pushim me shifrat 2-1.

Pjesa e dytë nisi me të njëjtën vrull për Vorën. Adelaye realizoi golin e tretë në minutën e 56-të, ndërsa vetëm një minutë më pas, në të 57-ën, Tabaku shënoi sërish, duke thelluar rezultatin në 4-1.

Geci kontribuoi me një tjetër gol në minutën e 71-të, duke e çuar rezultatin në 5-1 dhe duke mbyllur praktikisht ndeshjen. Kame realizoi golin e dytë për Maliqin në minutën e 82-të, por reagimi i skuadrës mike u zbeh shpejt, pasi Fackagis shënoi menjëherë pas tij në minutën e 83-të për rezultatin përfundimtar 6-2.

Një ndeshje me ritëm të lartë dhe shumë gola, ku Vora konfirmoi forcën e saj në këtë kompeticion, ndërsa Maliqi, pavarësisht humbjes, tregoi karakter dhe garoi me dinjitet.

“KORÇA BOOM”