top of page

Dielli pritet t’ia lërë vendin reshjeve, kthesë e motit nga e enjtja

  • Writer: Korca Boom
    Korca Boom
  • Oct 15
  • 1 min read

Pas disa ditësh me mot të kthjellët dhe temperatura të larta për periudhën, moti në vend do të marrë një kthesë të ndjeshme duke nisur nga mesdita e së enjtes.


Sipas parashikimeve të Institutit të Gjeoshkencave, reshjet do të rikthehen fillimisht në disa qytete të izoluara, ndërsa të premten pritet që ato të shtrihen në të gjithë territorin.

Në zonat jugore dhe veriore të vendit, reshjet do të jenë më intensive dhe do të shoqërohen me shtrëngata afatshkurtra.


“Presim një ndryshim të kushteve atmosferike duke nisur nga e enjtja në drekë. Fillimisht reshjet do të jenë të dobëta dhe të lokalizuara, por më pas do të shtrihen në pjesën më të madhe të territorit”, thuhet në njoftimin zyrtar.


Sinoptikanët parashikojnë gjithashtu ulje të lehtë të temperaturave dhe rritje të lagështisë në ajër, çka sjell një ndjesi më të freskët në krahasim me ditët e mëparshme.

“KORÇA BOOM”

ree

bottom of page