top of page

Egnatia fluturon, Tirana në fund të tabelës pas një tjetër humbjeje

  • Writer: Korca Boom
    Korca Boom
  • Sep 20
  • 1 min read

Tirana ka pësuar një tjetër goditje të rëndë në javën e 4-t të “Abissnet Superiore”, duke u mposhtur në transfertë nga Egnatia me rezultatin 2-0. Bardheblutë regjistrojnë kështu humbjen e dytë në kampionat dhe zbresin në fund të tabelës me vetëm 2 pikë pas katër javësh.


Egnatia, nga ana tjetër, shkëlqeu në fushën e vet. Rrogozhinasit dominuan lojën dhe arritën të dërgonin katër herë topin në rrjetë, por dy gola u anuluan për pozicion jashtë loje. Goli i parë erdhi në minutën e 29-të nga Buric, ndërsa fillimi i pjesës së dytë solli edhe golin e dytë, këtë herë nga Albanese në minutën e 48-të

.

Me këtë fitore, Egnatia ngjitet në vendin e dytë të renditjes me 7 pikë, duke konfirmuar ambiciet e saj për këtë sezon. Ndërkohë, Tirana vazhdon të zhgënjejë dhe tashmë gjendet në një situatë të vështirë, me presion në rritje ndaj stafit dhe lojtarëve.

“KORÇA BOOM”

ree

bottom of page