top of page

Elbasani thyhet në shtëpi, Vora “përvëlon” me përmbysje brenda 20 minutave

  • Writer: Korca Boom
    Korca Boom
  • Oct 19
  • 1 min read

Elbasani 1–2 Vora

Shënues: 54' Qose / 64' Daka, 86' Karrica


Vora ka arritur një fitore të madhe në javën e fundit të Kategorisë Superiore, duke përmbysur 2-1 në transfertë skuadrën e Elbasanit, një nga ekipet që cilësohet si pretendente për titull.


Sfida e zhvilluar në “Elbasan Arena” u karakterizua nga intensiteti dhe rivaliteti i lartë mes dy ekipeve. Pjesa e parë përfundoi pa gola, pavarësisht rasteve të shumta të krijuara kryesisht nga vendasit. Portieri Ruçi ishte protagonist absolut për Vorën, duke mbajtur portën të paprekur falë disa pritjeve vendimtare.


Në pjesën e dytë, Elbasani kaloi i pari në avantazh me anë të Qoses në minutën e 54-ër. Në atë moment, u krijua përshtypja se verdheblutë do ta menaxhonin mirë ndeshjen dhe do të shkonin drejt fitores.


Por Vora reagoi fuqishëm. Në minutën e 64-t, pas një gabimi në mesfushë nga vendasit, Daka finalizoi saktë për të barazuar shifrat. Kur ndeshja po i afrohej fundit, në minutën e 86-të, ishte Karrica ai që mposhti portierin Janaçek, duke vulosur përmbysjen e madhe dhe fitoren për Vorën.


Ndërkohë, për Elbasanin, kjo disfatë është një sinjal alarmi, pasi skuadra humbi një ndeshje që kishte në kontroll dhe rrezikon të humbasë terren në garën për kreun e renditjes.

“KORÇA BOOM”

ree

bottom of page