Fitorja që ndez shpresat, Skënderbeu triumfon 87-76 ndaj Partizanit pas një dekade

Një moment historik u shënua për ekipin e basketbollit të meshkujve të Korçës, i drejtuar nga trajneri Bruno Topi, që mundi ekipin e Partizanit pas më shumë se dhjetë vjetësh. Ndeshja ishte spektakolare, ku basketbollistët korçar triumfuan me rezultatin 87-76, duke regjistruar fitoren e parë të sezonit pas dy ndeshjeve.

Ky sukses shënon një rikthim të fuqishëm për ekipin në skenën e basketbollit shqiptar. Trajneri Topi shprehu kënaqësinë për përkushtimin e lojtarëve dhe theksoi se kjo fitore do t’u japë besim për sfidat e tjera të sezonit. Ai falënderoi edhe tifozët që mbështetën skuadrën gjatë gjithë ndeshjes.

Fitorja ndaj Partizanit është një pikë kthese që mund të ndryshojë rrjedhën e sezonit dhe të rrisë ambiciet e Korçës, e cila synon jo vetëm pjesëmarrjen në fazat finale, por edhe fitimin e trofeve në të ardhmen. Pas një pritjeje të gjatë, kjo fitore historike i jep energji dhe shpresë të madhe basketbollit korçar.

Në vazhdim, ekipi synon të vazhdojë me këtë ritëm pozitiv dhe të konsolidojë pozitat e tij në kampionat, duke u bërë një shembull frymëzimi për sportdashësit dhe të rinjtë që duan të ndjekin sukseset në sport.

“KORÇA BOOM”