Gëzuar ditëlindjen, Dr. Kristaq Kërëku!

Në këtë përvjetor, ju shprehim mirënjohjen për kontributin tuaj shumëvjeçar në mjekësinë korçare dhe për përkushtimin me të cilin i shërbyet pacientëve dhe komunitetit.

I lindur në Korçë, më 1 shtator 1940, Dr. Kristaq Kërëku përfundoi Fakultetin e Mjekësisë në Tiranë në vitin 1962 dhe nisi po atë vit punën si mjek inspektor sanitar pranë D. SH. SH. Korçë, detyrë që e ushtroi deri në vitin 1972.

Më pas shërbeu si mjek në Lozhan, në zonën e Gorë-Oparit, ndërsa në vitin 1974 u rikthye në Korçë, pranë shërbimit ambulator dhe urgjencës.

Pikërisht në urgjencë spikati si një mjek klinicist i saktë, i përkushtuar dhe i përgjegjshëm, ku puna kërkonte përgatitje të lartë profesionale, aftësi të mira diagnostikuese dhe vendimmarrje të shpejtë për çdo pacient. I interesuar vazhdimisht për të rejat e mjekësisë, ai u dallua për korrektësinë me pacientët e kolegët dhe për përkushtimin ndaj profesionit.

I njohur me përzemërsi si “Kiçka”, Dr. Kristaqi vijoi të punojë me përkushtim deri në daljen në pension, në vitin 2006.

Gëzuar ditëlindjen, Dr. Kristaqi!

Shëndet dhe gëzime!

“KORÇA BOOM”