Imitimi i Brikenës ndez rrjetin, reagon familja e Dj Gimbos

Dinamikat brenda shtëpisë së Big Brother VIP shpeshherë kalojnë kufijtë e lojës dhe humorit, duke shkaktuar reagime të forta edhe jashtë saj.

Së fundmi, një veprim i Dj Gimbo ka nxitur polemika në rrjetet sociale, pasi ai u pa duke imituar dhe tallur mimikat e fytyrës së Brikena.

Ky moment nuk u prit mirë nga publiku, duke sjellë një valë kritikash online. Përballë situatës që nisi të merrte përmasa negative, familjarët e Gimbos të cilët menaxhojnë edhe llogarinë e tij në Instagram vendosën të reagojnë me një ndjesë publike.

Përmes një deklarate në Instastory, ata sqaruan se veprimi nuk ka pasur qëllim ofendues dhe e lidhën situatën me presionin dhe kushtet e formatit:

“Si familja e Gimbos, kërkojmë falje nëse imitimi me mimika ndaj Brikenës është kuptuar keq apo ka lënduar atë dhe familjen e saj. Besojmë që nuk ka qenë qëllimi i tij të ofendojë apo të nënçmojë askënd.”

Në përfundim, familjarët theksuan se respekti ndaj çdo individi dhe familjeje mbetet një vlerë themelore për ta, duke e mbyllur reagimin me një kërkesë të sinqertë ndjese.

“KORÇA BOOM”