Inteligjenca Artificiale tani mund të parashikojë valët e të nxehtit në Evropë javë më parë. Ja se si funksionon

Studiuesit e Qendrës Euro-Mesdhetare për Ndryshimet Klimatike (CMCC) kanë zhvilluar një sistem inteligjence artificiale që mund të parashikojë valët ekstreme të të nxehtit në Evropë me saktësi më të lartë se metodat tradicionale.

Për herë të parë, modeli është trajnuar jo vetëm me të dhëna moderne, por edhe me rindërtime klimatike nga viti 0 deri në 1850, duke i dhënë IA-së qindra vite “virtuale” për të mësuar modelet e nxehtësisë.

Sistemi mund të japë paralajmërime deri në shtatë javë përpara ngjarjeve, duke u mundësuar autoriteteve të planifikojnë më mirë mbrojtjen e popullsisë, të korrave dhe infrastrukturës energjetike.

“Ky studim tregon se të mësuarit automatik mund të bëhet një pjesë themelore e mënyrës se si studiojmë ndryshueshmërinë e klimës dhe parashikimin e ngjarjeve ekstreme,” tha Dr. McAdam, autori i studimit të botuar në Communications Earth & Environment.

Valët e të nxehtit janë ndër rreziqet më vdekjeprurëse klimatike në Evropë, dhe ngjarje të tilla po bëhen më të shpeshta dhe më intensive ndërsa planeta ngrohet.

Ky sistem i ri mund të shpëtojë jetë dhe të zvogëlojë humbjet ekonomike, duke ofruar një avantazh të rëndësishëm për parandalimin e krizave të së ardhmes./ Oranews

“KORÇA BOOM”