Kapiteni Vangjel Zguro “ndez” derbin/ Firmos për 3 pikë ndaj Skënderbeut!

"Në Pogradec dhe ekipi më i mirë të vijë, firmos për 3 pikët. Sulmi më i mirë i Skënderbeut me mbrojtjen më të mirë që jemi ne", Vangjel Zguro, kapiteni i Pogradecit, bëri atë që di të bëjë më mirë, të karikojë tifozët.

Mbrojtësi nuk ka cilësi të jashtëzakonshme, por është lojtar i thjeshtë dhe punëtor. Lë shpirtin në fushë, ndonjëherë, ose shpeshherë, pavarësisht viteve që kalojnë, e lënë dhe nervat.

Për tifozët e tij mbetet gjithmonë i dashur, për tifozët kundërshtar objektivi kryesor për tu sharë. Ka ndodhur kur ishte me Skënderbeun, Partizanin, Kukësin, Kamzën apo dhe Bylisin.

32-vjeçari ka shëtitur në shumë ekipe për shkak të karakterit të tij shpërthyes. Provoi dhe një eksperiencë në SHBA duke qenë se ka dokumentat, por dashuria për futbollin ishte më e madhe se rehatia.

Nuk mund të qëndronte pa ngacmimet dhe përplasjet e vërteta të tifozëve të futbollit jo "soccerit".

Skënderbeu-Pogradeci. Sot luan derbi kundër ish-ekipit të tij, Skënderbeut, ndërsa Pogradeci ka synime të mëdha, kapiteni është me mision.

“KORÇA BOOM”