Kthjellime, vranësira dhe reshje të dobëta shiu/ Parashikimi i motit, 8 tetor 2025

Sipas Shërbimit Meteorologjik Ushtarak, dita e mërkurë do të karakterizohet nga kushte atmosferike relativisht të qëndrueshme në të gjithë territorin e vendit.

Moti parashikohet me kthjellime dhe alternime vranësirash të pakta deri mesatare, të cilat do të jenë më të theksuara në zonat malore të lindjes. Reshjet e shiut do të jenë të dobëta dhe të përqendruara kryesisht në relievet malore lindore.

Era do të fryjë nga verilindja dhe veriu me një shpejtësi mesatare deri në 10 m/s. Në zonat bregdetare dhe lugina, era pritet të jetë më e fortë, me shpejtësi që mund të arrijë deri në 20 m/s.

Sa i përket detit, valëzimi në detin Adriatik dhe Jon do të jetë i forcës 3 deri në 4 ballë, çka sugjeron një gjendje të moderuar detare për të mërkurën.

Sa i takon temperaturave, Bajram Curri, Korça dhe Peshkopia regjistrojnë vlerat më të ulëta, përkatësisht 3/9, 5/11 dhe 5/12 gradë celcius.

“KORÇA BOOM”