LAJMI I FUNDIT/ VOLEJ FEMRA: Dy sete lojë mbyllen në Farkë. Dinamo kryeson ndaj Skënderbeut!
- Korca Boom
- Oct 18
- 2 min read
Dinamo-Skënderbeu 2-0
(25-23, 25-19)
Ndeshja mes Dinamos dhe Skënderbeut në volejboll për femra ka startuar me vonesë në kreyqytet, teksa në Farkë ka pasur ndeshje të tjera dhe në këtë mënyrë takimi Dinamo-Skënderbeu ka startuar në orën 20:40, teksa ishte planifikuar ora 18:00 për startin e ndeshjes.
Seti i parë i takimit ka nisur mirë për Skënderbeun 0-1 dhe më pas rezultati thellohet në 2-5, rezultat që detyron trajnerin Orlando Koja të Dinamos të marrë pushimin e parë të takimit. Edhe pas pushimit janë vajzat bardhekuqe që kryesojnë sërish, teksa shifrat shkojnë në 4-8, duke treguar një lojë të mirë të Skënderbeut deri në këto momente.
Vjen radha e bluve kryeqytetase që ngushtojnë ndjeshëm diferencën dhe shifrat shkojnë deri në 9-10, po për Skënderbeun, madje rezultati barazohet edhe në 10-10. Një tjetër barazim 12-12 dhe në momentin që rezultati shkon 13-14 është sërish Koja që merr pudhimin e dytë dhe për herë të Dinamo kalon në avantazh në këtë set, 16-14 dhe pushimi kalon për Skënderbeun.
17-17 barazohet rezultati, teksa deri në këto momente ka balancë në parket. 18-19, 20-20 dhe 22-20 janë rezultatet e mëpasme dhe Dinamo është pranë fitores në setin e parë. 23-21 dhe përfundimisht 25-23 për Dinamon duke fituar setin e parë të takimit. një set që zgjati 28 minuta.
Seti i dytë i takimit fillon direkt me avantazhin e vendaseve që kryesonë 4-1 ndaj Skënderbeun që në start. Ndryshe nga seti i parë, në këtë set duket se superioritetin e ka Dinamo që gjen lojën e saj dhe vazhdon kryesimin në shifrat 6-2, rezultat që detyron Haxhillarin të marrë pushimin e parë në këtë set.
Më tej shifrat shkojnë në 7-4 dhe tre pikë për Skënderbeun të njëpasnjëshme bëjnë që rezultati të barazohet në 7-7. Dinamo sërish në avantazh 10-8, 12-10, 14-11, 16-13, janë pikët e avantazhit në monentet në vazhdim për dinamovitet e Kojës, ndërkohë që Skënderbeu e ka të vështirë të afrohet në pikë.
18-13 janë pikët që thellojnë diferencën, ndërkohë që më tej Dinamo ecën e sigurtë në fitimin e setit të dytë, teksa kryeson 20-15, 23-15 dhe përfundimisht 25-19 dhe 2-0 për sete për Dinamon. Seti i dytë i takimit zgjati vetëm 25 minuta.
“KORÇA BOOM”



















