Lajmi i fundit /Përplasje e trefishtë pranë Sovjanit, një person dërgohet me urgjencë në spital

Një aksident rrugor është regjistruar këtë të martë në aksin nacional Korçë–Pogradec, në afërsi të fshatit Sovjan, ku janë përfshirë tre automjete.

Si pasojë e përplasjes, një person ka mbetur i plagosur dhe është transportuar me urgjencë në Spitalin Rajonal të Korçës për të marrë ndihmën mjekësore. Ndërkohë, personat e tjerë të përfshirë në aksident kanë pësuar lëndime më të lehta.

Menjëherë pas ngjarjes, në vendngjarje kanë mbërritur shërbimet e Policisë, të cilat kanë nisur hetimet për të zbardhur shkaqet dhe rrethanat e aksidentit.

Përplasja ka shkaktuar për disa minuta edhe vështirësi në qarkullimin e mjeteve në këtë segment rrugor, ndërsa pritet që policia të dalë me një njoftim zyrtar për dinamikën e plotë të ngjarjes.

“KORÇA BOOM”