Lushnja në 30 vite nuk ka fituar asnjëherë ndaj Skënderbeut në Korçë/ Ja statistikat e frikshme!

Të premte në orën 15:30 Skënderbeu do të presë Lushnjën në stadiumin “Skënderbeu” në ndeshjen e javës së 13-të, ndërkohë që në fazën e parë kujtojmë lushnjarët e ndalën në barazimin 1-1 Skënderbeun.

Këtë javë është ndeshja e kthimit në qytetin juglindor, në këtë stadium ku kujtojmë se lushnjarët e kanë shumë të vështirë të marrin diçka, pasi kanë edhe historinë kundër.

Madje Skënderbeu nuk e fal Lushnjën në stadiumin “Skënderbeu” dhe këtë e tregojnë më së miri edhe statistikat që po sjellim më poshtë.

Të paktën në 30 vitet e fundit, pra në 3 dekada Lushnja nuk shënon asnjë fitore në Korçë. Në po 30 vite Skënderbeu, ka luajtur plot 9 herë me Lushnjën në shtëpo dhe nga këto 9 takime, 7 herë ka fituar Skënderbeu dhe vetëm dy takime kanë përfunduar në barazimin 1-1.

Sigurisht që statistikat bëjnë punën e vet, por Skënderbeu është i “destinuar” ta mposhtë edhe këtë herë Lushnjën, teksa edhe historia flet vetëm për Skënderbeun.

Të shohim këtë të premte, nëse Lushnja do të thyejë “tabunë” korçare, por shifrat janë shifra.

Ndeshjet Skënderbeu-Lushnja në stadiumin “Skënderbeu”:

28.01.2023 Skënderbeu-Lushnja 2-0

10.03.2018 Skënderbeu-Lushnja 3-1

15.10.2017 Skënderbeu-Lushnja 4-1

29.09.2013 Skënderbeu-Lushnja 2-0

20.01.2006 Skënderbeu-Lushnja 2-1

06.09.2005 Skënderbeu-Lushnja 1-1

04.11.2000 Skënderbeu-Lushnja 1-1

11.12.1999 Skënderbeu-Lushnja 2-1

10.04.1999 Skënderbeu-Lushnja 2-1

“KORÇA BOOM”