Palantir: Platforma që po ndryshon botën e inteligjencës artificiale

Si po shndërrohet Palantir në një fuqi globale të teknologjisë

Të gjitha mediat botërore po flasin për Palantir dhe ndikimin e saj të mundshëm në të ardhmen e teknologjisë dhe analizës së të dhënave. Por kush qëndron pas kësaj kompanie që ka fituar besimin e qeverisë së SHBA-së?

Alex Karp, CEO i Palantir, ka lindur në New York në vitin 1967 dhe ka studiuar filozofi dhe jurisprudencë. Takimi me Peter Thiel ndryshoi drejtimin e karrierës së tij, duke çuar në themelimin e Palantir Technologies në vitin 2003. Kompania u fokusua në mbledhjen dhe analizimin e të dhënave, duke krijuar një platformë që gjeti mbështetje edhe nga CIA. Teknologjia e Palantir ka luajtur një rol vendimtar në operacione ushtarake, përfshirë dhe kapjen e Osama Bin Ladenit.

Me kalimin e kohës, Palantir ka zgjeruar aktivitetin edhe në sektorin privat përmes platformave Foundry dhe Apollo, duke ofruar mjete të avancuara për menaxhimin e të dhënave dhe analizën parashikuese. Pavarësisht fokusit fillestar mbi aplikimet ushtarake, Karp e ka transformuar kompaninë në një aktor global, duke u theksuar në inteligjencën artificiale dhe analiza të avancuara të të dhënave.

Në vitin 2024, Palantir arriti një rritje të jashtëzakonshme në bursë, prej 340% brenda një viti, duke konsoliduar pozicionin e saj si lider në sektorin e mbledhjes dhe analizimit të të dhënave, me ndikim të dukshëm si në operacionet e mbrojtjes, ashtu edhe në biznesin privat.

"KORCA BOOM"