Policia e Korçës godet rastet e paligjshme: Nga drejtimi i dehur deri te medikamentet e shitura pa kujdes

Drejtoria Vendore e Policisë Korçë njofton se specialistët e Sektorit të Qarkullimit Rrugor arrestuan në flagrancë shtetasin P. Z., 30 vjeç, banues në Korçë, pasi u kap duke drejtuar automjetin në gjendje të dehur.

Gjithashtu, shërbimet e Komisariatit të Policisë Korçë kanë referuar materialet në Prokurori dhe kanë nisur procedim penal për:

• L. D., 33 vjeç, dhe S. P., 40 vjeçe, banues në Korçë, të cilët në ambientet e lokaleve që administrojnë kishin krijuar zhurma që shqetësonin banorët;

• A. D., 67 vjeç, dyshohet se i ka vjedhur një shumë lekësh një 55-vjeçareje, ndërkohë që raportohet se ka probleme të shëndetit mendor;

• M. P., 65 vjeçe, banuese në Korçë, e dyshuar se ka shitur nga pakujdesia disa medikamente një 44-vjeçareje;

• K. K., 50 vjeç, dhe E. L., 51 vjeç, banues në Korçë, pasi në ambientet e një lokali që zotëronin u gjet një kompjuter i përdorur për vendosjen e basteve sportive.

• 
  

Po ashtu, specialistët për Hetimin e Krimeve Ekonomike dhe Financiare kanë referuar materialet në Prokurori për shtetasin V. H., 25 vjeç, banues në Korçë, pasi gjatë kontrollit në automjetin që ai drejtonte u gjetën katër goma automjeti pa faturë shoqëruese.

Materialet procedurale janë dërguar në Prokurorinë pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.

“KORÇA BOOM”