Shqipe Hysenaj : “Mund të rrij shumë mirë edhe pa puthje, derisa të gjej dikë që më lëviz shpirtin”

Në një intervistë të sinqertë në emisionin “Live From Tirana” me Ronaldo Sharkën, këngëtarja Shqipe Hysenaj ka folur për udhëtimin e saj të fundit në Shtetet e Bashkuara të Amerikës, planet e ardhshme, por edhe për jetën e saj private dhe filozofinë e saj ndaj dashurisë dhe marrëdhënieve.

Shqipe ka treguar se për momentin nuk është në kërkim të një partneri dhe se ka kaluar mbi gjashtë vite pa pasur ndonjë kontakt fizik me dikë. Ajo thekson se për të është më e rëndësishme të gjejë dikë që i “lëviz diçka në shpirt, në zemër dhe në mendje”, sesa kontaktet fizike ose lidhjet e shpejta.

“Unë mund të rrij shumë mirë edhe pa puthje, pa përqafime, deri sa të gjej një person që më prek thellë brenda vetes,” rrëfen ajo me një qetësi dhe vetëdije të thellë.

Këngëtarja shprehet se nuk është e ngutshme për të nisur një lidhje dhe nuk ndjehet e etur për dashuri. Për Shqipen, rëndësi ka të ketë një mendje të shëndoshë dhe respekt reciprok. “Unë dua pak punë në fillim. Dua një mendje të shëndoshë nga dikush,” shton ajo.

Ndërsa pyetet nëse ka pasur ndonjë pengesë që e ka mbajtur larg takimeve, ajo shpjegon se ka shumë siklet dhe i trajton njohjet dhe njerëzit gjithmonë në formë shoqërore, duke u përpjekur të mos keqkuptohet.

Në një bisedë që ka prekur tema të ndryshme, Shqipe tregon se megjithëse ka marrë propozime për martesë edhe jashtë vendit, ajo është tip që dëshiron ta njohë vetë personin dhe të ndjejë diçka të veçantë.

Intervista e saj pasqyron një këndvështrim të qetë dhe të menduar mirë për marrëdhëniet, ku prioritet është ndjenja e vërtetë dhe jo presionet sociale apo pamja e jashtme.

“KORÇA BOOM”