SKËNDERBEU/ Ja cila është mungesa e madhe e bardhekuqve të dielën në Lushnjë!

Skënderbeu të dielën luan në transfertën e Lushnjës një ndeshje që në fakt vlen 3 pikë për djemtë e trajnerit Ernest Gjoka. Edhe pse dihet që transfertat në kategorinë e parë të gjitha kanë vështirësi, për Skënderbeun objektivi është vetëm fitorja, për vetë faktin se bardhekuqtë mezi presin ta sigurojnë sa më parë ngjitjen në superligë.

Ka qysh të hënë që Skënderbeu po përgatitet në stadiumin “Skënderbeu” dhe Gjoka ka grupin e plotë për këtë takim, me përjashtim të një mungese të madhe, siç është ajo e sulmuesit kryesor të skuadrës, Bismark.

Edhe në ndeshjen e javës së parë, në atë fitore 3-0 daj Burrelit Bismark ishte në tribunë, ndërkohë që këtë javë nuk do të udhëtojë me skuadrën. Tashmë është zbuluar fakti se deri në datën 31 gusht, ditë që luhet edhe ndeshja ndaj Lushnjës, Bismark nuk mund të luajë, pasi është i federuar me Vllazninë që luajti në Kupat e Europës.

Pikërisht ditën e dielë mbyllet edhe huazimi, ndërkohë që te Skënderbeu pop resin që përse jo nëse vjen një ofertë e majme financiare Bismark të shitet.

Ofertat në adresë të sulmuesit më të mirë të Skënderbeut kanë qenë të shumta, por kanë psue vlera të ulëta financiare dhe drejtuesit e klubit nuk kanë ndërmend ta lëshojnë për pak sulmuesin e tyre.

Në këtë mënyrë, të dielën në Lushnjë, Skënderbeu do të jetë pa Bismark dhe Gjoka është duke punuar për 11-shen duke mos e planiikuar futbollistin në fjalë.

“KORÇA BOOM”