SKËNDERBEU/ Ja kur vjen Luko Vaskuez! Çfarë po ndodh me Merlim dhe Ramos!

Ndërkohë që pak momente më parë lajmi më i fundit në lidhje me Skënderbeun ka qenë ai i huazimit të Bismark te Vllaznia për ndeshjet europiane, në këto momente vjen lajmi tjetër i mirë.

Bëhet fjalë për Luko Vaskuez, mbrojtësin kolumbian që akoma nuk ka ardhur te Skënderbeu dhe nuk është vënë nën urdhërat e Ernest Gjokës.

Mbrojtësi shtatlartë mësohet se e shumta pas 2-3 ditësh do të jetë në Korçë. Kjo vonesë ka sjellë edhe gjoba nga ana e klubit “Skënderbeu” në lidhje me shkeljen e rregullores, pasi Vaskuez duhet të vinte në qytetin juglindor që më 25 qershor, ditë kur startonte edhe faza përgatitore verore.

Në këtë mënyrë Vaskuez e shumta deri të martë është në Korçë dhe ky është një lajm vërtet i mirë. Lajm i keq mund të cilësohet mungesa e Marko Ramos dhe Juri Merlim, dy lojtarë që kanë marrë gjoba nga klubi për gjithë këtë vonesë të madhe, por që akoma nuk dihet nëse do të vijnë apo jo te Skënderbeu, pasi nuk kanë dëshirë të luajnë në kategorinë e parë edhe pse kanë akoma kontratë me Skënderbeun dhe duhet ta respektojnë deri në një.

Përsa i përket merkatos në hyrje, Skënderbeu është në pritje të të paktën dy lojtarëve që do të vijnë e shumta deri javën e ardhshme. Bëhet fjalë për një mbrojtës dhe një sulmues krahu që do të zëvendësojë Ardit Nikajn, por që emrat nuk bëhen të ditur për momentin.

Në këtë mënyrë Skënderbeu është shumë aktiv në këtë merkato vere, një merkato e “nxhehtë” në të dy anët, si në dalje, por edhe në hyrje.

“KORÇA BOOM”