SOT starton java e 9-të e kategorisë së parë/ Një ndeshje luhet sot, të gjitha të tjerat nesër

Java e 9-të e kategorisë së parë rikthehet sot e nesër, pra jo si zakonisht. Për shkak të ngjeshjesh së kampionatit ndeshjet e radhës luhen ditën e sotme më 28 tetor dhe të të tjerat nesër më 29 tetor.

Një ndeshje sipas kalendarit luhet të martë, pra sot dhe ajo është Apolonia-Iliria, takim që hap javën e 9-të të kategorisë së parë.

Më pas të mërkurë, pra nesër vjen radha e pesë çifteve të tjera, teksa e veçanta është se të gjitha ndeshjet do të luhen në një orë, ora 14:00.

Skënderbeu këtë javë të 9-të udhëton për tu përballur me Kastriotin në transfertë, një ndeshje që në fakt duket e lehtë në letër, për shkak të gjendjes së krutanëve deri tani, por në fakt pritet të jetë një përballje e luftuar. Gjithsesi Skënderbeu do të kërkojë trepikëshin në këtë transfertë të nesërme.

Nga ana tjetër Pogradeci që vjen pas fitores në javën e 8-të, luan nesër në transfertën e Peshkopisë dhe gjen Korabin, një kundërshtar i fortë, por që liqenorët do të kërkojnë të mos dalin pa pikë.

Më poshtë sjellim të gjitha duelet e javës së 9-të, ditët dhe oraret tashmë të përcaktuara nga FSHF-ja:

Java 9    

E Martë (Sot) 28.10.2025

Ora 14:00 Apolonia – Iliria

E Mërkurë (Nesër) 29.10.2025

Ora 14:00 AF Luftëtari – Laçi

Ora 14:00 Besa – Kukësi

Ora 14:00 Kastrioti – Skënderbeu 

Ora 14:00 Korabi – Pogradeci

Ora 14:00 Burreli – Lushnja

“KORÇA BOOM”