Spanja nuk fal në fund, rrëzon Belgjikën dhe fluturon në gjysmëfinale

Spanja ka siguruar kualifikimin në gjysmëfinalen e Kupës së Botës, pasi mposhti Belgjikën me rezultatin 2-1 në një ndeshje emocionuese që u vendos vetëm në momentet e fundit.

Skuadra e drejtuar nga Luis de la Fuente e nisi më mirë takimin dhe kaloi në avantazh falë golit të Fabian Ruiz, i cili zhbllokoi sfidën me një finalizim të saktë.

Belgjika reagoi shpejt dhe riktheu ekuilibrin në rezultat me Charles De Ketelaere, duke bërë që pjesa e mbetur e ndeshjes të zhvillohej me ritëm të lartë dhe raste në të dyja portat.

Kur dukej se sfida do të shkonte në minutat shtesë, Mikel Merino u shfaq në momentin vendimtar, duke shënuar golin e fitores për Spanjën dhe duke vulosur kualifikimin e "La Rojas" në katërshen më të mirë të Botërorit.

Në gjysmëfinale, Spanja do të përballet me Francën, në një duel spektakolar që pritet të jetë një nga sfidat më të forta dhe më të shumëpritura të këtij edicioni të Kupës së Botës.

“KORÇA BOOM”