Takimet VIP me pagesë? Sachia Vickery thyen tabutë në rrjetet sociale

Tenistja amerikane Sachia Vickery, 30 vjeçe, ka shkaktuar një stuhi reagimesh në rrjetet sociale pas një deklarate të pazakontë mbi jetën e saj sentimentale.

Ylli i US Open ka bërë me dije publikisht se nuk pranon më të dalë me asnjë burrë pa marrë më parë një parapagesë prej 1000 dollarësh.

Vetë tenistja, që vetëm pak muaj më parë hapi një llogari “spicy” në platformën OnlyFans, ka nisur të fitojë shumë jashtë fushës së tenisit, duke eksploruar edhe fusha të tjera biznesi.

“Nuk dal më në takime falas. Për shkak të sjelljes së burrave, tani kërkoj një parapagesë. Më dërgoni 1000 dollarë dhe takimi mund të ndodhë,” deklaroi Vickery, duke ndezur debat të madh online.

Disa e përshkruajnë këtë si një mënyrë “të zgjuar” për të shfrytëzuar famën dhe për të pasuruar veten, ndërsa të tjerë kritikojnë faktin që romanca duket se po shndërrohet në biznes.

Ndërkohë, Vickery po përpiqet të rikthehet fuqishëm në garat e tenisit pas një dëmtimi që e ka mbajtur jashtë fushave që nga muaji shkurt. Aktualisht, ajo është në fazën kualifikuese të US Open.

Pra, përveç tenisit, Sachia po eksploron botën e biznesit “spicy” dhe takimeve VIP me pagesë – duke treguar se di mirë si të tërheqë vëmendjen.

“KORÇA BOOM”