Truproja për gjyqtarët dhe drejtuesit e SPAK/BKH. Masa shtesë sigurie pas ngjarjes tronditëse në Apel"

Pas vrasjes tronditëse të gjyqtarit të Apelit, Astrit Kalaja, brenda sallës së gjyqit, qeveria shqiptare ka miratuar masa shtesë sigurie për funksionarët më të lartë të drejtësisë së posaçme. Vendimi parashikon garantimin e mbrojtjes personale për kryetarët e gjykatave kundër korrupsionit dhe krimit të organizuar, drejtuesin e Prokurorisë së Posaçme (SPAK), si dhe drejtorin e Byrosë Kombëtare të Hetimit (BKH).

Sipas masave të reja të miratuara, këta funksionarë do të shoqërohen nga truproja të nivelit bazë dhe të nivelit të mesëm gjatë kohëzgjatjes së mandatit të tyre. Mbrojtja do të vazhdojë edhe pas përfundimit të mandatit për një periudhë të caktuar.

Kryetarët e gjykatave dhe drejtori i BKH-së do të kenë të garantuar mbrojtjen deri në dy vjet pas mbarimit të mandatit. Ndërsa drejtuesi i SPAK do të ketë mbrojtje për një afat më të gjatë – deri në tre vjet pas përfundimit të mandatit.

Ky vendim vjen si një përgjigje emergjente ndaj rrezikut të lartë me të cilin përballen përfaqësuesit e drejtësisë që trajtojnë çështje të krimit të organizuar dhe korrupsionit në nivele të larta.

"KORÇA BOOM"