Turistet belge të apasionuara pas biçikletave në Kolonjë: I lamë burrat në shtëpi

Një grup prej 20 grash nga Belgjika kanë zgjedhur Kolonjën për një udhëtim të veçantë turistik.

Të apasionuara pas biçikletave, ato kanë lënë burrat në shtëpi dhe janë nisur së bashku drejt Shqipërisë për të përjetuar një eksperiencë ndryshe.

Turistet po shëtisin me biçikleta në rrugët piktoreske të Kolonjës, duke shijuar natyrën, ajrin e pastër dhe bukuritë e veçanta të zonës.

“Vij nga Belgjika, jemi këtu për një udhëtim me biçikleta, jemi disa shoqe dhe vijmë për herë të parë. Është fantastike. Pamja dhe njerëzit mikpritës na kanë mahnitur. Ne jemi shumë shoqe, lamë burrat në shtëpi dhe vendosëm të kënaqemi.”

“Më pëlqen shumë ushqimi, perimet duken që janë BIO. Do vij përsëri.”

“Vij nga Belgjika, jam edhe unë pjesë e këtij grupi. Këtu rrugët kanë pak trafik, por janë të sigurta. Po kënaqemi,” thonë disa prej turisteve belge.

Përgjatë këtij viti, Kolonjën e kanë vizituar më tepër se 60 mijë turistë, ndërsa vendet më të pëlqyera për vizitorët janë fshatrat turistike të Rehovës, Shelegurit, Borovës dhe Leskos./ Euronews

“KORÇA BOOM”