Të tjera lëvizje në Top Channel, zbulohet ku do e shohim Selin Bollatin!

Një lëvizje e re mund të jetë duke u përgatitur në ekranin e Top Channel për sezonin e ardhshëm televiziv, këtë herë me protagoniste Selin Bollatin.

Bollati pritet të bëhet pjesë e emisionit “Goca & Gra” në sezonin e ri, duke nisur kështu një eksperiencë të re televizive pas pjesëmarrjes në “Big Brother VIP Albania 5”.

Informacioni, megjithatë, nuk është konfirmuar zyrtarisht. Deri në këto momente, as Top Channel dhe as Selin Bollati nuk kanë njoftuar publikisht një marrëveshje për përfshirjen e saj në program.

Nëse raportimi i Kryefjala.com konfirmohet, kjo do të ishte një tjetër hap televiziv për Bollatin pas eksperiencës në “Big Brother VIP Albania 5”, ku ajo u shpall fituese dhe fitoi çmimin e madh prej 100 mijë eurosh.

“Goca & Gra” është një prej formateve të ndërtuar rreth një paneli vajzash dhe grash, me diskutime mbi tema sociale, aktualitetin dhe çështje të jetës së përditshme.

Në sezonin e fundit, i cili nisi në shkurt, pjesë e panelit ishin Ori Nebijaj, Rozana Radi, Rudina Dembacaj, Sherina Spahiu dhe Ema Andrea.

“KORÇA BOOM”