Vendim drastik në Big Brother VIP, një banor largohet nga shtëpia

Keijsi Hyseni është larguar mbrëmjen e sotme nga shtëpia e Big Brother VIP Albania, pas leximit të një zarfi të zi që i dha fund menjëherë rrugëtimit të tij në spektakël.

Vendimi i produksionit erdhi pas shfaqjes së një klipi nga një përballje e një nate më parë, ku u konstatuan sjellje të papërshtatshme ndaj banorit Kristi. Për këtë arsye, Vëllai i Madh vendosi ndërprerjen e menjëhershme të pjesëmarrjes së Keijsit në lojë.

Zarfi i zi u lexua pa u hapur diskutim në studio, menjëherë pas transmetimit të pamjeve përkatëse, duke e bërë vendimin përfundimtar dhe të pakthyeshëm.

Largimi i Keijsit solli reagime të ndryshme mes banorëve të shtëpisë. Një pjesë e tyre e shoqëruan deri te dera e kuqe, ndërsa të tjerët zgjodhën të qëndrojnë në sallon. Situata solli edhe një debat të shkurtër mes Selin dhe Mateos, pasi ky i fundit vendosi ta përcillte Keijsin në dalje.

Ky ishte zarfi i dytë i zi i lexuar gjatë mbrëmjes. Më herët, një tjetër zarf i zi iu drejtua banorit Rogert Sterkaj, i cili u paralajmërua për sjelljen e tij ndaj banorëve dhe u dërgua në televotim të përhershëm.

Ngjarjet e fundit tregojnë se produksioni i Big Brother VIP Albania po ndjek një linjë të rreptë në zbatimin e rregullave dhe respektimin e etikës së bashkëjetesës brenda shtëpisë.

"KORCA BOOM"