Vesa Luma reagon pas eliminimit të Stenaldos nga BBVA: Shoqëria jonë nuk është ende gati

Këngëtarja Vesa Luma ka reaguar në rrjetet sociale pas largimit të Stenaldo Mëhillit nga “Big Brother VIP Albania”, duke ndarë një mesazh që ka tërhequr vëmendjen e ndjekësve.

Në reagimin e saj, ajo shprehet se do të kishte dashur ta shihte Stenaldon fitues të këtij edicioni, duke e cilësuar praninë e tij si të nevojshme për shoqërinë.

“Paska ik Stenaldo nga Big Brother. Shumë do doja të ishte fitues këtë vit. E kemi pasur shumë të nevojshme si shoqëri, por s’jemi ende gati si duket”, shkruan Luma, duke lënë të kuptohet se mesazhi i tij nuk u vlerësua sa duhet.

Më tej, artistja ndalet edhe te roli i produksionit, duke theksuar rëndësinë e sjelljes në ekran të figurave frymëzuese. Ajo ka përgëzuar Top Channel për mundësinë që i dha publikut të njihte historinë dhe forcën e Stenaldos. “Një bravo të madhe Top Channel, që përmes një personazhi si Stenaldo, na dha mundësinë të shohim se si vullneti dhe dëshira për jetën tejkalon çdo gjë”, shprehet ajo.

Reagimi i këngëtares ka marrë vëmendje të gjerë në rrjetet sociale, ku shumë ndjekës e kanë cilësuar si një mesazh të ndjerë dhe mbështetës. Një pjesë e tyre kanë ndarë të njëjtin mendim, duke vlerësuar ndikimin që Stenaldo pati gjatë qëndrimit në shtëpi./ Pamfleti

“KORÇA BOOM”