Xheorxhina zbarkon në Venecia, shkëlqen me unazën 3 milionë dollarëshe të Ronaldos

Modelja dhe influencuesja e njohur Xheorxhina Rodriguez ka tërhequr vëmendjen e mediave ndërkombëtare me paraqitjen e saj në tapetin e kuq të Festivalit të Filmit në Venecia. E veshur me elegancë dhe finesë, ajo ka bërë një hyrje të bujshme, por vëmendjen kryesore e ka marrë unaza e saj gjigande – një diamant 30 karatësh me vlerë 3 milionë dollarë, dhuratë nga partneri i saj, ylli i futbollit Kristiano Ronaldo.

Unaza e fejesës ka shkëlqyer në dorën e Xheorxhinës teksa ajo pozonte përpara kamerave, duke konfirmuar edhe një herë stilin luksoz dhe jetën glamuroze që çifti i famshëm ndan me ndjekësit e tyre në rrjete sociale.

Ky prezantim në Venecia vjen në një moment ku çifti vazhdon të jetë në qendër të vëmendjes së mediave botërore, jo vetëm për arritjet në karrierat respektive, por edhe për jetën e tyre personale, e cila shpesh kthehet në lajme virale.

Xheorxhina, e njohur për stilin e saj të veçantë dhe prezencën në evenimente të rëndësishme ndërkombëtare, duket se edhe këtë herë e ka ditur si të tërheqë vëmendjen – me hijeshi, por edhe me një mesazh të qartë: dashuria dhe luksi shkojnë bashkë kur je krahas Ronaldos.

“KORÇA BOOM”