“Arrest në shtëpi” dhe pezullim nga detyra/ çfarë po heton SPAK ndaj shefes së SHISH

GJKKO ka caktuar masën e sigurisë “Arrest në shtëpi” dhe ka vendosur pezullimin nga detyra për drejtuesen e Shërbimit Informativ të Shtetit, Vlora Hyseni, pas kërkesës së SPAK.

Masa është marrë në kuadër të një fraksioni të hetimeve që lidhen me dosjen “AKSHI”. Në kuadër të operacionit janë kryer kontrolle edhe në banesën e Hysenit, ndërsa kontrolle janë ushtruar edhe ndaj personave të tjerë të përfshirë në vendimin e GJKKO-së.

Sipas raportimeve të publikuara gjatë ditës, Hyseni dyshohet për veprat penale “Përkrahja e autorit të krimit” dhe “Zbulimi i akteve ose të dhënave sekrete”. Bëhet fjalë për dyshime të hetimit dhe jo për një vendim përfundimtar fajësie.

Ndërkohë, raportohet se në momentin e operacionit Vlora Hyseni ndodhej jashtë Shqipërisë, ndaj ekzekutimi i masës së arrestit në shtëpi mbetet i lidhur me kthimin e saj në vend.

“KORÇA BOOM”