Burreli në provë të vështirë, sfida me liderin vjen pa trajnerin Samuel Nikaj

Burreli do të nisë fazën e dytë të kampionatit me një mungesë të rëndësishme në drejtim. Trajneri Samuel Nikaj do të detyrohet të udhëheqë skuadrën nga tribuna në ndeshjen e së dielës ndaj Skënderbeut, e cila zhvillohet në stadiumin “Liri Ballabani”.

Tekniku matjan është pezulluar si rezultat i akumulimit të katër kartonëve të verdhë, i fundit prej të cilëve u mor në fitoren 2-0 kundër Pogradecit. Për këtë arsye, ai nuk do të jetë në pankinë në duelin e radhës, ku Burreli synon të vazhdojë momentin pozitiv dhe të marrë pikë kundër liderit të kampionatit.

Megjithëse mungesa e tij konsiderohet një goditje për skuadrën matjane, pritet që stafi ndihmës të marrë detyrat teknike në fushë. Ndërkohë, Nikaj do ta ndjekë ndeshjen nga tribuna, duke komunikuar me bashkëpunëtorët e tij gjatë lojës.

"KORCA BOOM"