“Copë u bëra në skenë”, Ilir Vrenozi tregon plagët dhe trazon rrjetin

Një postim i fundit në rrjetet sociale ka shqetësuar ndjekësit e Ilir Vrenozit. Personazhi i njohur për videot virale dhe humorin e tij ka ndarë me publikun pasojat e një incidenti të ndodhur gjatë daljes së tij të fundit.

Përmes Instagramit, Vrenozi publikoi një foto ku shfaq këmbën e lënduar, me gërvishtje dhe shenja të dukshme plagësh, duke lënë të kuptohet se ngjarja nuk ka qenë aspak e lehtë.

Sipas tij, incidenti ka ndodhur gjatë një performance, ku energjia e madhe që ai shpenzon zakonisht në skenë këtë herë i ka kushtuar fizikisht.

Megjithatë, besnik stilit të tij ironik, Vrenozi e ka trajtuar situatën me humor, duke e lidhur atë me “syrin e keq”.

“Më morën mësysh, copë u bëra në skenë,” ka shkruar ai në postimin e tij, të shoqëruar me një emoji të zemëruar, duke lënë të kuptohet se incidenti ka qenë njëkohësisht i dhimbshëm dhe i papritur.

"KORCA BOOM"