Daja shpjegon dështimin në sulm: edhe lojtarët me përvojë nuk po e shtyjnë topin në rrjetë

“Për ta nisur nga pjesa e parë, ishim të detyruar të bënim rotacion, duke futur tre‑katër lojtarë për t’i dhënë freski ekipit. Rezultoi vetëm Maliqi pozitiv në këto ndërrime, ndonëse ata që kishim futur janë të rinj. Nuk bëmë një pjesë të parë të mirë; më shumë u munduam të kontrollonim dhe të mos pësonim.

Në pjesën e dytë, edhe në rastin e Teutës, edhe sot, kur kaluam me një lojtar më shumë, ajo që mungoi nuk ishte as manovra, as futjet në thellësi apo krijimi i situatave, por finalizimet. Edhe me Teutën ishin katër‑pesë raste shumë të pastra para portës; sot, mos them se ishin më shumë. Ajo që na mungon është që të shtyjmë topin në rrjetë — duhet kohë.

Në javën e katërt kishim po katër pikë në këtë moment. Guindo ka ardhur vetëm një javë para se të niste kampionati; i provuam të gjitha. Ajo që mungon sot në lojë është thjesht që të shënojmë.

Guindo nuk po luan sepse nuk është paraqitur mirë; ka një tërheqje muskulore. Nuk them se vetëm ai nuk e shtyn topin në rrjetë; lojtarë me eksperiencë si Bregu, Vila dhe Qardaku, edhe ata nuk po realizojnë. Nuk e kisha fjalën vetëm për një lojtar si Guindo.

Një rast i Bylisit ishte kur Maliqi u fut para mbrojtjes, vazhdoi përpara; nuk duhej të largohej e të kthehej në pozicionin e vet, sepse liruam krahun e djathtë.

Në pjesën e parë patëm probleme në të dy krahët në situata një‑kundër-një, në hapësirat ku sulmuesi merrte topin pa presion; humbëm disa raste. Kjo do të thotë që kur arrijmë atje, lojtarët e krahut duhet të shkojnë drejt fundores dhe të pasojnë, ose të rrëshqasin drejt qendrës – diçka që ne nuk e bëjmë sa duhet.

E bëmë me Vilën në pjesën e dytë, kur kaluam në formacionin 4‑4‑2. Por në fund nuk rezultoi pozitiv, sepse edhe kur patëm raste mbështetëse, mund të kishim shënuar edhe një gol të vetëm.”

“KORÇA BOOM”