Spektakël golash në Grupin A, tension dhe surpriza në Grupin B

Korca Boom
1 hour ago
2 min read

Sot në fushë zbritën 16 skuadra të Kategorisë së Dytë, në ndeshjet e vlefshme për Grupin A dhe Grupin B, duke prodhuar plot 26 gola dhe shumë emocione. Të dy grupet dhanë rezultate interesante, me surpriza, fitore të thella dhe ndeshje të tensionuara.

Në Grupin A, Shiroka konfirmoi formën e mirë duke fituar me rezultat të thellë 6-1 ndaj Gramshit. Leka realizoi dy gola, ashtu si edhe Dulaj, ndërsa Ogungbire firmosi dopietën e tij, duke mbyllur një ndeshje dominuese për vendasit. Gramshi u ngushëllua vetëm me golin e Ajazit në minutën e 82-të.

Fitore mori edhe Erzeni, që triumfoi 2-1 në transfertë ndaj Naftëtarit, ndërsa Sopotit arriti sukses të pastër 3-0 në fushën e Basanias.

Në Grupin B nuk munguan surprizat dhe tensionet. Partizani B, i drejtuar nga Oltijon Kërnaja, u mposht në shtëpi 1-2 nga Oriku, në një ndeshje ku të kuqtë përfunduan me 9 lojtarë dhe miqtë me 10, pas kartonave të shumtë të akorduar nga gjyqtarja Emanuela Rusta. Golin e vetëm për Partizanin e shënoi Kontreras, ndërsa për Orikun realizuan Zholi dhe Dalanaj.

Bylis B u ndal në barazim 1-1 në fushën e Shkumbinit, ndërsa Delvina fitoi derbin e jugut me Butrintin falë golit të Jetishit.

Ndërkohë, Maliqi arriti një fitore të rëndësishme 3-1 ndaj Këlcyrës, me dopietë të Ibrahimit dhe një tjetër gol nga Demollari. Për miqtë shënoi Jakubu nga pika e bardhë.

Edhe Devolli vazhdoi momentin pozitiv, duke mposhtur Eagle Football me rezultatin 2-1. Këndezi dhe Kapllani realizuan për devollinjtë, ndërsa Hysenllari ngushtoi diferencën në fund.

Më poshtë rezultatet përfundimtare:

GRUPI A

SHIROKA 6-1 GRAMSHI

8′, 10′ Leka, 24′, 56′ Dulaj, 48′, 70′ Ogungbire / 82′ Ajazi

NAFTËTARI 1-2 ERZENI

64′ Obina / 34′ Hasanaj, 80′(p) Zaimaj

BASANIA 0-3 SOPOTI

35′ Tanushi, 63′ Myslimi, 90′ Ejoh

GRUPI B

MALIQI 3-1 KËLCYRA

31′, 90′ Ibrahim, 80′(p) Demollari / 66′(p) Jakubu

DELVINA 1-0 BUTRINTI